நீங்கள் தேடியது "சிறுவர்கள் கைது"

இரணியல்:

இரணியலை அடுத்த நெய்யூர் தெற்கு தெருவை சேர்ந்தவர் சுனில்பிரகாஷ் (வயது 55). இவர் கடந்த சில மாதங்களுக்கு முன்பு வெளியூர் சென்று இருந்தார். பின்னர் வீடு திரும்பிய போது வீட்டில் நின்ற 2 சந்தன மரங்களை மர்மநபர்கள் வெட்டிச் சென்றிருந்தனர். இதை கண்டு அதிர்ச்சி அடைந்த அவர் இது குறித்து இரணியல் போலீசில் புகார் செய்தார்.

போலீசார் வழக்குபதிவு செய்து விசாரணை நடத்தி வந்தனர். மேலும் தனிப்படை களையும் அமைத்திருந்தனர். தனிப்படையினர் நேற்று கண்டன்விளை சந்திப்பில் ரோந்து வந்தனர். அப்போது அங்கு 2 சிறுவர்கள் சந்தேகப் படும்படியாக நின்று கொண்டிருந்தனர். அவர்களை பிடித்து விசாரணை நடத்தினர்.

அதில் அவர்கள் முன்னுக்கு பின் முரணான தகவல்களை கூறினர். இதையடுத்து அவர்களை போலீஸ் நிலையம் அழைத்து விசாரணை நடத்தினர். அதில் வெள்ளிச்சந்தை பகுதியை சேர்ந்த 15 வயது மற்றும் 17 வயதுடைய சிறுவர்கள் என்பதும், அவர்கள் சுனில்பிரகாஷ் என்பவர் வீட்டில் சந்தன மரங்களை வெட்டியதும் விசாரணையில் தெரியவந்தது.

இதையடுத்து அந்த 2 சிறுவர்களையும் போலீசார் கைது செய்து பாளையங் கோட்டையில் உள்ள சிறுவர் சீர்திருத்த காப்பகத்தில் அடைத்தனர். அவர்களிடம் இருந்த சந்தன கட்டைகளையும் பறிமுதல் செய்தனர்.

போரூர்:

சூளைமேடு திருவள்ளுவர் புரத்தைச் சேர்ந்தவர் அஸ்வக் மொகைதீன். போஸ்டர் ஒட்டும் தொழிலாளி. இவர் நள்ளிரவு நெல்சன் மாணிக்கம் சாலையில் போஸ்டர் ஒட்டும் பணியில் ஈடுபட்டிருந்தார்.

அப்போது மோட்டார் சைக்கிளில் வந்த 4 பேர் கும்பல் கத்தியை காட்டி மிரட்டி அஸ்வக்கிடம் இருந்து செல்போனை பறித்து தப்பி சென்றனர்.

இதுகுறித்து அமைந்தகரை போலீசுக்கு தகவல் தெரிவிக்கப்பட்டது. போலீசார் தீவிர ரோந்து பணியில் ஈடுபட்டு அரும்பாக்கம், பூந்தமல்லி நெடுஞ்சாலையில் 4 பேரையும் மடக்கி பிடித்தனர்.

அவர்கள் நெற்குன்றம் பகுதியைச் சேர்ந்த சீனிவாசன், வினோத் மற்றும் 18 வயதுக்கு உட்பட்ட 2 சிறுவர்கள் என்பது தெரிந்தது. பல்வேறு இடங்களில் அவர்கள் செல்போன் மற்றும் வழிப்பறியில் ஈடுபட்டது தெரியவந்தது.

இதையடுத்து 4 பேரையும் போலீசார் கைது செய்தனர். அவர்களிடம் இருந்து 2 மோட்டார் சைக்கிள், கத்தி, 3 செல்போன்கள் பறிமுதல் செய்யப்பட்டது.

போரூர்:

வளசரவாக்கம் ராமாபுரம் உள்ளிட்ட பகுதிகளில் கடந்த சில நாட்களாக தொடர்ந்து செல்போன் பறிப்பு சம்பவங்கள் நடைபெற்று வந்தன.

இதையடுத்து வளசர வாக்கம் உதவி கமி‌ஷனர் சம்பத் உத்தரவின் பேரில் இன்ஸ்பெக்டர் அமுதா மற்றும் போலீசார் விசாரணை நடத்தினர். அவர்கள் செல்போன் பறிப்பு நடைபெற்ற இடங்களில் இருந்த கண்காணிப்பு கேமராக்களை ஆய்வு செய்தனர்.

இதில் இருசக்கர வாகனத்தில் வந்த சிறுவர்கள் சிலர் செல்போன் பறிப்பில் ஈடுபட்டு வந்தது தெரியவந்தது. அவர்களை தேடி வந்தனர்.

இந்த நிலையில் காரம்பாக்கம் சந்திப்பில் இருசக்கர வாகனத்தில் வந்த இரண்டு சிறுவர்களை சந்தேகத்தின் பேரில் போலீசார் பிடித்து விசாரணை நடத்தினர்.

அவர்கள் 17 வயதுக்குட்பட்ட வளசரவாக்கம், விருகம்பாக்கம் பகுதியை சேர்ந்த சிறுவர்கள் என்பதும் தனியாக செல்பவர்களிடம் செல்போன் பறிப்பு மற்றும் வீட்டு முன்பு நிறுத்தி இருக்கும் மோட்டார் சைக்கிள்களை திருடி வந்ததும் தெரிந்தது. அவர்கள் 2 பேரையும் போலீசார் கைது செய்தனர்.

மேலும் அவர்கள் கொடுத்த தகவலின்படி கூட்டாளிகளான 16 மற்றும் 14 வயதுடைய மதுரவாயல், நெற்குன்றம் பகுதியை சேர்ந்த 2 சிறுவர்களையும் பிடித்தனர்.

கைதான 4 பேரிடம் இருந்தும் 40 செல்போன்கள், 6 மோட்டார் சைக்கிள்கள் பறிமுதல் செய்யப்பட்டது.